خلاصة التدوينات
دسيت تحت الضلوع الجرح واخفيتـه
قلت آتصبر عليـه وذا العمـر فانـي
مرت عليه السنيـن وخافقـي بيتـه
يقتات نبضي ويشـرب نهر شريانـي
أحيان احسـه مثـل طفلـي وربيتـه
واحيان كنـي أنا......بنتـه وربانـي
كم ليلة من ليـال العمـر.. غنيتـه
وكم ليلة من ليال الوجـد... غنانـي
البارحـة والدمـوع تصبنـي جيتـه
قلـت الصبر مر ووجاااعـي تبـلانـي
ياحارس الحلم وأين الحلـم وديتـه؟
طال أنتظاري وعمـري راح ماجانـي
ناديت باقصى الخفوق الحلـم ناديتـه
واسمع صدى صوت حلمي قبل يجفاني
همست باسمه وكف الشـوق مديتـه
.قلت التمس لي طريق بغيهب احزانـي
قدمت له باقـة اشواقـي وضميتـه
مثـل المطر زار صحراء العمر واحياني
صحاني الحزن مدري الحزن صحيتـه
واسمعت جرحي يغنـي ثـم نادانـي
ياحارس القلب كـان الحلـم لاقيتـه
علمه انا كيف بعـده حزنـي افنانـي
قل له بقلبي وطـن والسـر خبيتـه
مااحدٍ درى بـه ولااحـٍد دل عنوانـي
سجل الزوار
