خلاصة التدوينات
يامحرق قلب من حبك ولا نالك
إلى متى و الظنون السود مكلفتك
اموت واعرف وش اللي يدور في بالك
حيرتني بك ولا ادري ويش سالفتك
تشك فمحبتي لك؟؟؟ يا بري حالك
وانا اللي خليت لك قلبي وناصفتك
أحب لك منك واقرب لك من ضلالك
واصدق من احساس قلبي كل ما شفتك
حتى القصايد وهي ما تكتب الا لك
كنها على كثرها ماهيب منصفتك
لو اني ما افرح إلى ((جا)) رقم جوالك
رديت والفت لك قصه وصرفتك
تدري بحبك وتقديرك ومنزالك
مافيه داعي تقلل قدر معرفتك
خليت كل البشر واخترتك لحالك
وتركت من كان يبغيني ووالفتك
ماهوب طول البطا اللي يقطع وصالك
بس انت كف الملامه والعتب وافتك
ثلاثة سنين وانا اموت واحيا لك
عفت البشر من سبب حبك ولا عفتك
في بالك الشك والعذر يتهيالك
واثق وإلى خفت من غدر الزمن خفتك
اختار يا اما تشل الشك من بالك
والا اعتبر لا تواجهنا ولا شفتك
حــمــدان الــمــري
سجل الزوار
