خلاصة التدوينات
شرّع النور بيبانه فـ... وجه / الظلام
................. وإنقضت ليلةٍ ... تشبه ملامح أسير !
كنت فيها كما صحرا .. وصوتي حمام
................. كلما ضقت ... طيّرته معَ أدنى زفير !
من قديم أحسب إن الوقت عالي مقام :
................. يَحشم الرَجل || عن بيع الرِجل للمسير
هذي عشريني البيضا .. توارت صيام
................. قادها الجهل .. واغراها صفار الهجير
أذكر أمي تقول : إصحَك ضميرك ينام
................. وقت " لا ينفع المسلم سِوى فعل خير "
بعدها صرت ذاك اللي ليا إغتيب / شام
................. شاعر أقصى طموحاتي أعيش بضمير
لانويت أكتب إحساسي .. بكل إهتمام :
................. آتحاشى تجي غلطه ... وادنّق كثير !
كمّ ياما لجل ما اغضِِب رضيت الملام !
................. منّي لنفسي .. ونفسي غضبها خطيير
عنّي الناس لو شحّت ... تمدّ السلام !
................. جيتها في يدي للصُفح .. كاسة عصير
الألم : قبلة المحتدّ .. ساعة / زحام !
................. والأمل : سُنبله خضرا نِمت خلف بيير
والشِعر : رعشة صدور الورق بالكلام
................. والعَشر ( عشره إلا رُبع ) دون العشير
وآنا محتار .. بين السعي والإنهزام !
................. خطوه تشيلني معها ... وخطوه تغيِر !
يعتريني شعور أسود .. قليل إحترام !
................. بان أي شي يصير اليوم .. باكر يصير
منْه نفسيّتي وجه آخر لـ حرف [ ل ]
................. يستوي في البدايه ... ينثني في الاخير
دامي إنسان | إنسانيّتي .. لي حزام !
................. والسكاكين ماضرّت ... وقوف البعير !
بـ. أستعير التواضع من دموع الغمام
................. هو بقى بهالزمن غيري .. يبي يستعير ؟
؛
بإحسَـآسَ
ن / نَـآصرَ بنٌ حسُينَ
سجل الزوار
