خلاصة التدوينات
حيلت الي لاسرح فكـره سرابـه للجنـون
يضحك وضحكه بالشفايف والحشى به يحتـرق
وش حيلت الـي لالفـاه اليـل قضـاه مغبـون
في داخله هم الفراق الي طرق روحـه طـرق
وش حيلت القلب اليتيم الـي غدتبـه هالعيـون
في كل يوم اسهـوم عينـه بالمحانـي تختـرق
ياصادق الأحساس قلي ليـه يـوم أنـك تمـون
وراك ضيعت الغلا دامـه بعينـي قـد غـرق
بالله قلي وش هدفك أسرفـت فينـي بالطعـون
وش ذنب قلب(ن) كل عرق(ن) فيه بالوعه شرق
ليتك صدقت بحبك الصافي وخليـت الشطـون
وبادلتني ليـل التلاقـي يـوم بالفرحـه بـرق
خذها نصيحه لانويـت تحـب تكفـى لاتخـون
وان خان قلبك اقتله وأعلن وقل قلبـي أنسـرق
مايشرفك قلب(ن) لعب باشواق نـاس يقـدرون
وانته بعد ماتشرف الـي ضـاق واتعبـه الأرق
دنيا تجارب تدهشك في كل يوم تشـوف لـون
بس الحظيظ الي تركها وماشقى فيهـا وعـرق
قلته وأنا عن شخصك الخادع تعليـت المـزون
ولاجلك خساره احرج القيفان وانهـك هالـورق
سجل الزوار
